Кремот Black up со заштитен фактор 50 и со антипигментен ефект, кој е наменет за дневна нега, овозможува висока заштита на кожата од штетното УВ-зрачење при секојдневното изложување на сонце, особено во летниот период. Комплексната формулација на кремот се заснова на употреба на висококвалитетни фотостабилни хемиски УВ-филтри со широк спектар на дејство, кои ги апсорбираат сончевите УВА- и УВБ-зраци. Моќниот комплекс од активни состојки, меѓу кои нијацинамидот и екстрактот од алое вера, помага во намалувањето на големината на пигментните дамки и во спречувањето појава на нови.
Нијацинамидот – витамин B 3 – е ефикасно соединение за осветлување на кожата, кое дејствува така што го инхибира трансферот на меланозомите од меланоцитите во кератиноцитите, а екстрактот од алое вера има заштитен ефект од оштетување на кожата од УВ-зрачењето. Кремот е збогатен и со витамин Е, кој со своето антиоксидативно дејство ја појачува ефикасноста на функцијата на заштитните филтри преку намалување на процесот на формирање на слободните радикали, кои се последица на изложувањето на штетните УВ- зраци. Витаминот Е го стимулира процесот на заздравување и на регенерација на кожата и влијае врз заштитата и одржувањето на природниот липиден баланс на кожата. Од друга страна, пак, Де-пантенолот – провитамин Б 5 , кој во организмот се претвора во пантотенска киселина или во витамин Б 5, е познат како моќен хумектант кој продира сѐ до долните слоеви на кожата.
Упатство за употреба: се нанесува на сува кожа 15 минути пред изложување на сонце и по секое капење. Пред сончање убаво да се нанесе доволна количина од производот.
Внимание: со нанесувањето помала количина од производот значително се намалува нивото на заштита. За да се одржи заштитата, се препорачува почеста апликациjа, особено по потење, пливање или по бришење со крпа.
Само за надворешна употреба! Бебињата и малите деца да не се изложуваат директно на сонце. Не изложуваjте се предолго на сонце дури и при употреба на производ за заштита од сончевите зраци. Прекумерното изложување на сонце претставува сериозен ризик за здравjето.
Дерматолошки тестиран.
